Tomé reclamou ao Goberno central que impulse o corredor ferroviario Palencia-Monforte

•O alcalde de Monforte participou en O Barco na reunión sobre infraestruturas con alcaldes e empresarios de Galicia e O Bierzo

O alcalde de Monforte, José Tomé, na reunión no Barco de Valdeorras, xunto ao secretario xeral do PSdeG-PSOE, Xoaquín Fernández Leiceaga. GPCM
• O impulso da liña de ferrocarril Palencia-Monforte foi o asunto que ocupou a reunión mantida no Barco de Valdeorras, o pasado 16 de marzo, por alcaldes e empresarios de Galicia e do Bierzo.
“ALARMA” PARA NON PERDER “O ÚLTIMO TREN”
O alcalde de Monforte, José Tomé, lanzou unha “voz de alarma” para evitar, con este encontro, “que perdamos o último tren, coas consecuencias que se derivarían”. Tomé cualificou ao corredor Ourense/Lugo – Monforte – O Barco – Ponferrada – Palencia como “clave para o transporte de mercadorías dende os cinco portos galegos”. O rexedor monfortino animou a reclamar ao Goberno central as “medidas políticas, administrativas e financieiras necesarias” para impulsar “de inmediato” esta liña de ferrocarril.
“EXTRAORDINARIO DESENVOLVEMENTO PARA A GALICIA INTERIOR”
O alcalde de Monforte precisou que a unión dos cinco portos galegos máis os portugueses suporían “un potentísimo sistema de comunicacións por mar” na fachada atlántica. Tomé argumentou que esta unión configuraría “un extraordinario potencial de desenvolvemento económico”, que “debería implicar a toda a Galicia interior”, ademais do Bierzo e do norte de Portugal.  Na reunión de Valdeorras, estiveron Manuel Besteiro, membro da dirección nacional de ADIF; Fernando González Laxe, catedrático e ex presidente da Xunta de Galicia; Miguel Rodríguez Bugarín, catedrático especializado en comunicacións ferroviarias; e Ferrán Tarradellas, representante da Comisión Europea.
PORTO SECO
José Tomé defendeu que a liña ferroviaria do Corredor Atlántico debe ser construído enlazando as capitais provinciais de Lugo e Ourense “pasando por Monforte, O Barco e Ponferrada”. Neste contexto, o alcalde insistiu na necesidade de impulsar “de xeito definitivo” o Porto Seco de Monforte como nó loxístico do interior galego”.•

Deixa unha resposta

Your email address will not be published.

Nova Anterior

En marcha a nova edición do Campus de Emprendemento Sostible

Seguinte Nova

Máis obras en marcha para levar o abastecemento ás parroquias de Sober

Últimas noticias sobre GALERÍA

A %d blogueros les gusta esto: