•A Federación outorgou a máxima valoración á proposta presentada polo CV Ribeira Sacra
Monforte volverá a protagonizar a actualidade deportiva a nivel autonómico. O domingo 29 de abril, o Pavillón Municipal de A Pinguela acollerá o Campionato Galego de Voleibol cadete feminino, no que será anfitrión o Club Voleibol Ribeira Sacra.
Dende o club monfortino celebraron ser elixidos pola Federación, logo de superar en puntuación aos clubes de Cambados e Oleiros. “É unha satisfacción volver a traer un campionato galego a Monforte”, salientaron dende o club, e animaron a “encher as gradas de A Pinguela para animar ao noso equipo”. •
