O pasado 18 de abril, a Casa da Xuventude de Chantada organizou unha xornada con motivo do Día Europeo de Información Xuvenil. Un total de 20 mozos e mozas, con idades comprendidas entre os 10 e 30 anos, participaron nunha sesión de dinámica grupal, para falar de diversos temas. A Rede Galega de Información Xuvenil, a Campaña de Verán, ou os carnés para a mocidade centraron a xornada, xunto aos programas de educación non formal, o programa Quérote +, e accións de prevención de condutas de risco, entre outras.
Unha caixa de suxestións, achegamento ás novas tecnoloxías, ou photocall cos programas da Dirección Xeral de Xuventude completaron a xornada. Os mozos participaron activamente nunha conversa moi fructífera, segundo a dirección do Espazo Xove chantadino. Na charla, os asistentes trasladaron as súas necesidades e demandas, e deseñaron actividades conxuntas. •
