•Na iniciativa participaron os concellos de Pantón, Sober e O Saviñao, cun total de 15 participantes

O pasado 18 de xuño, tivo lugar en Ferreira a entrega dos diplomas aos 15 participantes no obradoiro de emprego Baliño, que compartiron os municipios de Pantón, Sober e O Saviñao.
Este obradoiro, destinado a menores de 30 anos, contou cun investimento de 140.200 euros da Consellería de Economía, Emprego e Industria. A actividade ofreceu formación teórica e prática nas especialidades de fábricas de albanelería, con 8 alumnos, e montaxe e instalación de construcións de madeira, con 7 participantes. O obradoiro contou cun equipo de dous monitores, un director e un administrador.
A parte prática do obradoiro serviu para que o alumnado realizara obras de interese municipal. Así, en Pantón arranxaron a pista deportiva do Monte Baliño e a casa de campo da feira en Ferreira. En Sober, colocaron marquesiñas e arranxaron edificacións anexas ao edificio consistorial. No Saviñao, acondicionaron a biblioteca municipal, o Campo da Lama en Sampil, e mobiliario urbano. •