Natureza, diversión e deporte daranse a man o 7 de xullo na nova edición do Night Trail de Quiroga

•O III Night Trail de Quiroga pode desfrutarse en modalidade andaina, ou en carreira a través de rutas naturais

Imaxe da saída da pasada edición do Night Trail de Quiroga. (Foto cedida).
Quiroga vén de organizar unha nova cita co deporte, que conxuga diversión e natureza. O vindeiro 7 de xullo terá lugar a terceira edición do Night Trail, unha carreira nocturna con varias modalidades que combina itinerarios urbanos con incursións no monte.
O 80% DO PERCORRIDO É POR PISTAS E SENDEIROS NATURAIS
O III Night Trail ofrece un percorrido de 10 quilómetros, que se pode realizar como andaina ou en modalidade trail, e outro itinerario de 21 quilómetros, só para trail. O 80% do percorrido do III Night Trail trascorre por pistas e sendeiros fóra do ámbito urbano, o que fai máis atractiva a experiencia.
OBRIGATORIO O USO DE FRONTAL, E LEVAR O MÓBIL ENCENDIDO
A saída das dúas probas terá lugar ás 22,30 horas dende a Praza de España de Quiroga. A entrega de dorsais iniciarase ás 19,00 horas, na Praza de España de Quiroga, e rematará ás 22,15 horas. A saída da proba será ás 22,30, e a duración máxima no deberá superar as 4 horas. A organización estableceu como obrigatorios o uso do frontal, con pilas de recambio, e a colocación do dorsal ben visible, así como levar encendido o teléfono móbil.
APOIOS AOS PARTICIPANTES DURANTE A PROBA
A organización ofrecerá tres avituallamentos ao longo da proba maior, un líquido e os outros dous con sólido e líquido, á metade da carreira e na propia meta. No trazado curto, só haberá dous avituallamentos.
PREMIOS EN CADA CATEGORÍA, ADEMAIS DE TROFEOS AO CLUB MÁIS NUMEROSO E AO CORREDOR MÁIS VELLO
Establécense tres premios para a modalidade masculina e feminina nos dous trazados. Premiaranse aparte aos mellores participantes locais, masculino e feminino, nos dous percorridos, e haberá un trofeo para o club máis numeroso, e para o corredor máis veterano.
INSCRICIÓNS E INFORMACIÓN SOBRE REGLAMENTO E PREZOS
As inscricións están abertas ata o 4 de xullo ás 00,00 horas, ou ata completar o máximo de 600 participantes. Para anotarse, é preciso facelo a través da páxina web www.championchipnorte.com.
Este portal tamén ofrece toda a información sobre os prezos de inscrición en cada modalidade, así como das normas e características que se recollen no reglamento da proba. •

Deixa unha resposta

Your email address will not be published.

Nova Anterior

140 xogadoras internacionais daranse cita en xullo no campo de golf de Augas Santas

Seguinte Nova

51 concellos súmanse ao convenio coa Deputación para esixir taxas ás eléctricas

Últimas noticias sobre DEPORTES

A %d blogueros les gusta esto: