Os viños rosados da Ribeira Sacra terán o selo da Denominación de Orixe

• Ademais, amplíase en 4 parroquias o territorio da Denominación

Entrega dos premios da XIV Cata dos Viños da Ribeira Sacra, coa presenza do director da Axencia de Calidade Alimentaria, Manuel Rodríguez, o pasado 6 de xullo en Monforte. GPXG

A Denominación de Orixe Ribeira Sacra amparará co selo de calidade os viños rosados que xa se viñan elaborando tradicionalmente neste territorio. A modificación do prego de condicións desta Denominación, que publicou a Consellería de Medio Rural este mes, establece as especificacións técnicas que deberán ter os rosados deste selo, tanto de uva mencía como de brancellao ou merenzao.
Ademais, o texto inclúe outras novidades para a Denominación. Poderanse envellecer os viños en envases que non sexan de madeira e que teñan unha capacidade distinta á da barrica, e baixo a mención «garda». Por outra banda, os viños «summum» deberán ter un 85% dalgunha das uvas principais, sen ter que incluír un 60% de mencía, como ata agora. Así mesmo, entran cinco novas uvas na Denominación: caíño branco, branco lexítimo, gran negro, caíño longo e caíño bravo. Por último, o selo amparará a produción de uva nas parroquias de Fión, no Saviñao, e Fontao, na Teixeira, e a de viño na parroquia soberina de Gundivós, e en Boazo, na Teixeira. •

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

420.000 euros para construír o camping municipal de Ribas de Sil

Seguinte Nova

As axudas de Medio Rural priorizarán ás granxas e hortas de agricultura ecolóxica

Últimas noticias sobre ASOCIACIONISMO

Chantada contra o cancro

A solidariedade e a conciencia social uníronse en Chantada nunha loita colectiva contra o cancro. No pasado mes de decembro, a directiva
Ir aInicio

Don't Miss