Aprobados outros 93.000 euros da Deputación para estradas en Láncara

• O organismo provincial xa destinara 300.000 euros para acondicionar o vial entre A Pobra de San Xiao e Carracedo

Imaxe de arquivo da visita que realizou recentemente a Láncara o presidente da Deputación, Darío Campos. GPDL

Os investimentos provinciais na mellora de estradas en Láncara incrementouse o mes pasado, cunha nova achega de case 93.000 euros. O deputado Pablo Rivera explicou que esta partida, aprobada en Xunta de Goberno a finais de xullo, permitirá rehabilitar o firme en varios tramos de dúas estradas importantes nas comunicacións deste municipio.

ESTRADA DENDE VEIGA DE ANZUELOS A BANDE
Segundo precisou Rivera, o organismo provincial actuará nun tramo de 800 metros, ao inicio da LU-P-2704, da Veiga de Anzuelos, por Trasliste, a Bande. Estas obras facilitarán a circulación neste vial que dá acceso á N-VI e á A-6, e beneficiará aos máis de 250 veciños da contorna. Rivera precisou que a Deputación xa ten arranxado este mesmo vial no tramo de catro quilómetros de Bande a Toirán.

ARRANXO DA LU-P-5706
Ademais, o organismo provincial vai arranxar un total de 2,6 quilómetros da LU-P-5706 de Morelle a Seteventos-Monseiro, entre os puntos quilométricos 5,1 e 7,7. O deputado lancarés salientou que estas melloras suporán un beneficio para os máis de 200 veciños de tres parroquias deste municipio. Ademais, é unha estrada de importancia intermunicipal, por ser o principal acceso ao concello de Sarria.
Pablo Rivera detallou que o proxecto inclúe a limpeza de cunetas, o acondicionamento do firme con aglomerado en quente, a mellora da sinalización vertical e o repintado da estrada.
O deputado salientou que estas accións veñen sumarse ao recente arranxo da LU-P-2703 entre A Pobra de San Xiao e Carracedo, para o que a Deputación destinou máis de 300.000 euros. •

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

Convenio entre Deputación e Concello para mellorar 24 rúas en Monforte de Lemos

Seguinte Nova

Rematou en Monforte o curso de autoemprego da Fundación Incyde

Últimas noticias sobre GALERÍA

Ir aInicio

Don't Miss