Máis de media ducia de torneos encheron de actividade o campo de golf Río Cabe de Monforte. Ademais dos torneos patrocinados, as instalacións monfortinas acolleron o Campionato Galego individual da modalidade de Pitch&Putt.
O Torneo Neumáticos Camino puxo o punto e final ás probas estivais, o 2 de setembro. José Ángel Pérez Reñones, con -3, gañou en scratch, e na primeira categoría venceron Néstor Álvarez, con 41 puntos, Alfonso Álvarez, con 40, e Eduardo Varela, con 39. Na segunda categoría, os gañadores foron Gonzalo Campomanes, que rematou con 42 puntos, José Alberto Rodríguez, con 40, e Ricardo Castañer, con 37. •
