A taekwondista do ximnasio Neka Elena Varela vén de ser declarada Deportista Galega de Alto Nivel. Segundo informaron no club, esta consideración, para a que se tiveron en conta os méritos deportivos de Varela, permitiralle acceder a calquer carreira universitaria á marxe da nota de corte. Ademais, terá facilidades para obter becas e compaxinar estudos e competición.
Dende o Neka valoraron «esta grandísima noticia», como «un xusto premio ao esforzo e traballo de Elena». Varela vén de lograr un bronce no Campionato do Mundo de Taekwondo Praia en Grecia, e clasificarse coa selección española, en parella con Alex Camba, para o Campionato do Mundo. •
Cargando ...
