Máis de 5,4 millóns da Xunta para activar o sector agrogandeiro no sur lucense

• As axudas serviron para mellorar explotacións, poñer en marcha pequenas granxas, e incorporar mozos ao rural

Visita do delegado da Xunta, José Manuel Balseiro, á granxa de produción de pavos Agromuíño, no Saviñao, o 4 de outubro. GPDTL
A Xunta concedeu máis de 5,4 millóns de euros en axudas a 86 explotacións agrogandeiras nas comarcas de Lemos, Chantada e Quiroga.
AXUDAS PARA TRAMITACIÓNS, MAQUINARIA OU ADQUISICIÓNS
As subvencións financiaron a compra de maquinaria nova, os gastos dos proxectos técnicos para construír ou renovar a granxa, a xestión de permisos ou licenzas, e a plantación de cultivos. A partida tamén axudou a custear a compra de novos terreos ou de equipamentos informáticos, entre outros. Así mesmo, as subvencións permitiron a incorporación de mozos ao rural, como medida de impulso ao relevo xeracional no sector.
Un exemplo deste tipo de explotacións é a empresa Agromuíño, no Saviñao, que logrou iniciar un novo rumbo en actividade e persoal. Con estas axudas, un dos socios traballadores puido diversificar a actividade de leite de vacún, iniciando a crianza avícola coa que espera producir 24.000 pavos. Ademais, Agromuíño incorporou un novo traballador menor de 30 anos, para dar continuidade ao negocio. O proxecto de mellora que presentou esta empresa prevé a construción dunha segunda nave.•

Deixa unha resposta

Your email address will not be published.

Nova Anterior

Elena Varela, do Neka, declarada Deportista Galega de Alto Nivel

Seguinte Nova

Presentan unha nova vintena de iniciativas xurdidas no Coworking de Monforte

Últimas noticias sobre ECONOMÍA

     
A %d blogueros les gusta esto: