O sur de Lugo foi o protagonista do peche da 17ª Volta a Galicia. Monforte de Lemos foi saída da derradeira etapa, que transcorreu o domingo 23 de setembro por terras do sur lucense. Bóveda, Sarria, A Pobra do Brollón e Quiroga acolleron o paso do pelotón, que enfilou as últimas pedaladas cara a cidade do Cabe, escenario da meta. Monforte deu o triunfo a Sergio Vega, do equipo Froiz e vixente campión de España. O maillot azul de primeiro galego clasificado foi para Lestido, e o de puntos vermellos ao mellor escalador para Samuel Blanco, do Cortizo Anova. O ciclista deste equipo Jorge Montenegro rematou como líder de metas volantes. O mellor sub 23 foi Iñigo Elosegui. •
