• 25 emprendedores que desenvolveron o seu proxecto nesta aceleradora deron a coñecer os plan de negocio no DemoDay
O impulso ao emprendemento dende as administracións segue dando froitos. A comezos de outubro, presentáronse en Monforte unha vintena de proxectos empresariais, resultado dos meses de asesoramento e formación que 25 emprendedores da contorna recibiron no espazo Coworking da Ribeira Sacra. Estes plans de negocio corresponden á terceira edición desta aceleradora de empresas, situada en Monforte e impulsada pola Xunta a través do Igape e da Escola de Organización Industrial.
DESEÑO, AGRICULTURA ECOLÓXICA E TURISMO, ENTRE AS PROPOSTAS
Os proxectos que se presentaron no DemoDay están vinculados ao turismo, o deseño, a hostalería e a agricultura ecolóxica, principalmente. Entre outros emprendedores, Diego Rodríguez deu a coñecer o seu proxecto de hostalería vinculado á Praia da Cova, mentres que a creatividade centrou a proposta denominada «Amanita Lab», de Elena Patiño, Efrén Hermida e Iván Patiño. Así mesmo, Antonio Salinas propuxo a súa idea baixo a denominación «Da boa fariña… o mellor pan», e Mª Luz Cid presentou o Centro Integral Alaia.
O DemoDay contou coa presenza do conselleiro de Economía, Francisco Conde. O titular autonómico salientou que «detrás de cada emprendedor adoita haber un autónomo», colectivo de gran peso na economía galega, xa que supón a cuarta parte dos traballadores da Comunidade. Conde lembrou a posta en marcha da Oficina do Autónomo de Galicia, que a Xunta pon a disposición dos emprendedores para informar sobre axudas e realizar consultas.•
