• O delegado do Goberno en Galicia deu a coñecer en Monforte varias decisións de interese para a comarca
O delegado do Goberno en Galicia, Javier Losada, achegouse a Monforte o 20 de novembro, para manter un encontro co rexedor local, José Tomé, co fin de coñecer as necesidades do municipio, e anunciar diversas iniciativas do Executivo central.
NOVIDADES NAS COMUNICACIÓNS
Losada anunciou a licitación do contrato de servizos para redactar o proxecto da variante da A-76, cun importe de 650.000 euros. En canto ás comunicacións, Javier Losada adiantou ao alcalde que o Goberno quere acometer en 2019 o proxecto para o trazado dun xiro de vehículos cara a Monforte dende a saída de Expolemos. «Nestes momentos, está en estudo a supresión dunha vía lenta, que ten un tráfico inferior aos 5.000 vehículos por día e, por tanto, é posible facer o xiro hacia Monforte».
No canto ao ferrocarril, Javier Losada afirmou que o Goberno vai asumir o plan presentado polo alcalde para suprimir catro pasos a nivel, e instalar un bypass para as mercadorías.
NOVA COMISARÍA
Noutro orden de cousas, Javier Losada adiantou que a nova comisaría da Policía Nacional está pendente da cesión do edificio, trámite que se concretará «a principios do 2019». O proxecto do novo edificio está incluído no plan de infraestruturas, apuntou. Ademais, o delegado do Goberno en Galicia lembrou tamén que o Executivo central vén de conceder máis de 136.000 euros para rehabilitar 25 vivendas en Monforte.•
Cargando ...
