O Concello de Pantón organiza unha ampla axenda de actividades para as festas de Nadal.
CAMPAMENTO INFANTIL
Os máis cativos poderán gozar co Campamento de Nadal e Reis, que terá lugar os días 26, 27 e 28 de decembro, e 2, 3 e 4 de xaneiro. O venres 28, os cativos participarán nun obradoiro de cociña navideña, xunto aos usuarios do Centro de Día de Pantón.
TEATRO
Así mesmo, haberá diversas actividades para todos os públicos. O xoves 27 de decembro, ás 11 horas, a compañía Lila Teatro representará a obra “Cachopo Máxico”, no salón de actos do Edificio Sociocultural. O evento, organizado polo Concello en colaboración coa Deputación de Lugo a través do programa Proscenio, é de acceso libre ata completar aforo.
CONCERTO SOLIDARIO DA BANDA DE FOLK DE RIBAS DE SIL
O venres 28 de decembro, a partir das 20,00 horas, celebrarase unha nova edición dos Concertos Solidarios da Banda de Folk de Ribas de Sil. A actuación será no salón de actos do Edificio Sociocultural de Pantón. A aportación mínima para acceder ao concerto é de un kilo de alimentos non perecedeiros.
CONTACONTOS E FESTIVAL DE REIS
En xaneiro, o programa de Nadal inclúe un contacontos no Centro de Día do municipio, a cargo de Iago López, o día 4 ás 12 horas. A entrada é libre.
Unha das citas máis esperadas polos cativos é o Festival de Reis. O 5 de xaneiro, a partir das 18 horas, o salón do Edificio Sociocultural encherase de xogos e obradoiros de tatuaxes e maquillaxes, para dar a benvida aos Reis Magos. •
