Chega o Nadal, e nos fogares apúranse os preparativos. Cada un escolle a súa visión destas festas para aportar o seu toque persoal. Pero hai fogares que se converten, por uns días, en pequenos museos. O fotógrafo Montero vén de recrear no seu domicilio un espectacular belén con preto dun cento de figuras e todo un entorno arquitectónico, obra deste monfortino que adicou dous días enteiros a esta obra.
Montero aplicou a súa arte cos pinceis para decorar boa parte das figuras, ademais de ser responsable do deseño e montaxe das edificacións. O resultado é un animado belén cheo de vitalidade e emocións. •
