Monforte estreou en FITUR a súa primeira guía turística en tres idiomas

•Editáronse 10.000 exemplares en castelán, galego e inglés •Tamén se elaborou un tríptico informativo

O alcalde de Monforte estivo presente en todos os eventos vinculados á Ribeira Sacra no stand de Galicia na Feira FITUR, celebrada en Madrid do 24 ao 27 de xaneiro. GPXG

Na nova edición da Feira Internacional de Turismo FITUR, o Concello de Monforte deu a coñecer a primeira guía turística do municipio. Na mesma semana do evento, o 23 de xaneiro, o alcalde, José Tomé, xunto á tenente alcalde, Gloria Prada, presentou na cidade do Cabe dúas novas publicacións turísticas, unha guía e un tríptico, “que ofrecen unha información clara e concisa cos datos máis destacados de Monforte”.
O Consistorio editou 10.000 exemplares da guía, e outros tantos do tríptico, en castelán, galego e inglés. As publicacións, que foron elaboradas pola empresa monfortina Amanita Studio, poden adquirirse na Oficina de Turismo, librarías e locais de hostelería que desexen distribuíla. A guía custa 1 euro, e o tríptico é de balde.
Tomé xustificou esta iniciativa porque “o turismo na comarca está experimentando un crecemento moi importante”, polo que “Monforte precisaba ter un documento gráfico e informativo sobre a nosa riqueza cultural e paisaxística”. O rexedor lamentou que “aínda que pareza mentira, Monforte carecía dunha guía turística”. Tomé adiantou novos produtos promocionais sobre a cidade do Cabe. Así, “máis adiante”, o Concello contará cun video promocional, no que se recollan os eventos máis salientables, así como elementos patrimoniais ou gastronómicos, entre outros.
A guía e o tríptico están presentes en FITUR, que se celebra en Madrid do 23 ao 27 de xaneiro. Os elementos promocionais sobre Monforte poderanse atopar nos stands de Galicia e no da Rede de Xuderías de España. •

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

A Ribeira Sacra amosou en FITUR unha nova proposta que combina o xogo de resolver pistas coa tecnoloxía da realidade aumentada

Seguinte Nova

As Rutas Fluviais da Deputación tiveron un 10% máis de visitantes

Últimas noticias sobre EVENTOS

Xornada Micolóxica en Pantón

Pantón acolle o domingo 17 unha xornada micolóxica, que inclúe unha charla sobre Introdución á Micoloxía e aos fungos medicinais, a cargo
Ir aInicio

Don't Miss