•O baile de disfraces terá lugar na tarde do sábado 2 de marzo no Centro Sociocultural
O día grande do Entroido en Bóveda será o sábado 2 de marzo, data na que se celebrará o baile de disfraces no Centro Sociocultural, a partir das cinco e media.
A cita festiva en Bóveda contará con animación, e os asistentes desfrutarán dunha chocolatada de balde.
CONCURSO CON DOUS PREMIOS EN TODAS AS MODALIDADES
Ademais, o Concello de Bóveda organiza un concurso entre os disfraces presentes na festa. Establécense dúas categorías, infantil e adultos, e en cada unha delas outorgaranse dous premios, tanto na modalidade individual, como na de parellas e na de grupos. •
