Todo listo en Quiroga para celebrar o Entroido

A rúa Real acollerá, un ano máis, o desfile de disfraces e comparsas de Quiroga, na tarde do domingo 3 de marzo. Arquivo EC

O domingo 3 de marzo será o día grande do Entroido en Quiroga. Se a climatoloxía o permite, ás cinco da tarde sairá a comitiva de comparsas e disfraces pola rúa Real, dende a zona das piscinas ata a Casa do Concello. O desfile rematará co concurso, a chocolatada con churros e o baile, amenizado polo Dúo Explosión.

PREMIOS
No concurso haberá dúas modalidades, a de comparsas cun mínimo de 10 membros, e a de disfraces individuais, cun máximo de tres membros por disfrace. Para as comparsas, daranse tres premios, de 600, 300 e 150 euros, e todas as comparsas que non teñan premio recibirán 60 euros. Na modalidade de disfrace, haberá un único premio de 60 euros.

COMPOSICIÓN E CRITERIOS DO XURADO
O xurado do Entroido terá tantos membros como comparsas e disfraces haxa no desfile. Cada unidade participante nomeará a un representante, e ao remate, votará ás demais comparsas e disfraces, agás aquel no que concursan. Na valoración, os membros do xurado terán en conta a orixinalidade dos disfraces, a coreografía, a escenografía, a elaboración do vestiario e a da carroza.
Os premios entregaranse diante da Casa do Concello, ao remate do desfile.

FESTA INFANTIL O LUNS 4 DE MARZO
Para os máis cativos, o Entroido en Quiroga dura un día máis. O luns 4 de marzo, a partir das cinco da tarde, terá lugar unha festa infantil de disfraces no disco-pub Yoya. •

Deixa unha resposta

Your email address will not be published.

Nova Anterior

Todo listo para desfrutar do Entroido con actividades para todos en Sober

Seguinte Nova

Pantón dá máis tempo para desfrutar do Entroido no sur de Lugo

Últimas noticias sobre EVENTOS

A %d blogueros les gusta esto: