O mamut e os Danzantes de Cervelas identifican o Incio no novo material promocional

O deputado de Turismo e a alcaldesa do Incio, na recepción do novo material promocional no Concello, o 4 de marzo.GPDL

O Incio conta con novo material de promoción turística, que emprega o mamut e os Danzantes de Cervelas entre os símbolos máis característicos do territorio. O Concello presentou un lote de elementos promocionais, custeado con 3.300 euros da Deputación, que se distribuirán en todos os establecementos turísticos do municipio. Restaurantes, bares, casas rurais e hoteis porán á disposición dos clientes 750 postais, 5.000 salvamanteis e 4.000 marcapáxinas.
Para ilustrar os materiais, escolléronse catro imaxes representativas. Así, aparece o mamut do Incio, municipio onde se atopou, nos anos 60, o único vestixio en Galicia desta especie prehistórica. O material representa tamén a figura de San Eufrasio, cun santuario na localidade, e un dos apóstolos que participou no traslado dos restos do Apóstolo. Tamén aparece o personaxe de Julia Espín, musa do poeta romántico Bécquer e con vínculos familiares nas terras do Incio. A ilustración dos materiais promocionais complétase cos Danzantes da Cervela, unha representación etnográfica con máis de cinco séculos de historia.•

Deixa unha resposta

Your email address will not be published.

Nova Anterior

O Entroido, en imaxes: Gran desfile antes da chuvia en Sarria

Seguinte Nova

Convenios da Xunta con Taboada e O Saviñao para melloras na seguridade en espazos públicos

Últimas noticias sobre GALERÍA

   
A %d blogueros les gusta esto: