A produtora monfortina Amanita Studio vén de conseguir o seu segundo Premio Mestre Mateo, desta volta polo documental “Idénticas”. A peza, dirixida por Luis Avilés e producida pola firma monfortina, acadou o Premio ao Mellor Documental, dentro da categoría de Producción, na gala dos XVII Premios Mestre Mateo, celebrada no Pazo da Ópera de A Coruña o 2 de marzo.
A longametraxe documental “Idénticas” conta a historia de dúas irmás xemelgas, Cayetana e Celia, de sete anos, ás que se lles diagnosticou etereoplaxia ósea progresiva, unha enfermidade clasificada como ultrarara. Na historia dirixida por Luis Avilés e producida por Amanita Studio cóntase o día a día das cativas e as circunstancias que, por mor desta enfermidade, han de afrontar elas e os seus pais.
O caso de Cayetana e Celia é o único do mundo no que esta enfermidade aparece en dúas xemelgas idénticas. Tamén é único o feito de que Cayetana ten os síntomas, pero Celia aínda non desenvolveu a enfermidade.
Este premio é o segundo Mestre Mateo para a produtora monfortina, que xa o gañara en 2016 polo documental “Os Días Afogados”. •
Últimas noticias sobre CULTURA
O pasado mércores 13 de marzo, ás 20:15 horas, a Casa da Cultura ‘Olga Novo’ na
Mar LÓPEZ SOTELO Directora da Área de Historia e AntropoloxíaInstituto Europeo Campus Stellae
A Casa da Cultura de Chantada acolle ata o próximo 28 de febreiro, unha exposición da
O Concello de Chantada está a dar pasos firmes para enriquecer a oferta cultural do municipio
A Concelleira de Educación, Geni Valcárcel, e o Concelleiro de Acción Cultural, César No, acolleron con