• O ano pasado, xa se instalaron neste punto paneis luminosos e bandas transversais para mellorar a seguridade
A Xunta continúa a mellorar a seguridade no cruzamento de Bóveda, coa próxima construción dunha glorieta. A mediados de marzo, a Consellería de Infraestruturas e Mobilidade adxudicou o proxecto de obra, coa que se pretende xestionar o tráfico na intersección entre a estrada de Lugo a Monforte e a que vai a Quiroga.
180.000 EUROS PARA A GLORIETA E DOUS PASOS DE PEÓNS
Segundo o estudo realizado pola Axencia Galega de Infraestruturas, o custe da obra ronda os 180.000 euros. O delegado da Xunta en Lugo explicou que a glorieta fará máis visible o cruzamento para os condutores e obrigará a reducir a velocidade. O proxecto contempla tamén a instalación de pasos para peóns nos dous viais.
MELLORAS ANTERIORES
Xa en 2018, a Consellería actuou neste punto coa colocación de paneis luminosos e bandas transversais, para alertar do cruce e facer cumprir o sinal de stop.•
Cargando ...
