Dende abril e ata comezos de novembro, desenvolverase o novo programa de cursos do Centro de Artesanía e Deseño (CENTRAD) da Deputación. Un total de nove accións formativas sobre diversas especialidades artesanais enchen a oferta deste ano, que conta con 72 prazas destinadas ao público en xeral.
CURSOS DE ABRIL
A programación de abril céntrase na cestaría tradicional galega, para continuar coa elaboración de complementos en coiro, coa vista posta na gran recreación histórica do Arde Lucus 2019. O programa completarase cun obradoiro de reprodución de refaixos bordados, a cargo de Traxandaina.
XOIERÍA E TAPICES EN MAIO
Os asistentes aos cursos do mes de maio poderán introducirse nas técnicas básicas de xoiería, e aprender a elaborar pezas en fibra de roten. Ademais, haberá un curso de iniciación á tapizaría.
En xuño, os obradoiros porán o foco na elaboración de figuras con vimbio, e na fotografía artesanal. A programación do CENTRAD regresa en outubro, cun curso de xoiería creativa.
Os prezos de matrícula están entre os 20 e os 40 euros, segundo a especialidade do curso. As inscricións realizaranse no correspondente banner da páxina web da Deputación, www.deputacionlugo.gal.•
Cargando ...
