O Campionato Provincial Escolar de Orientación deixou dous medallas en Monforte. As alumnas do IES A Pinguela Cecilia Quiroga e Alba Varela lograron a prata e o bronce na modalidade cadete feminina, na proba celebrada o 20 de marzo.
PRETO DE 400 ESCOLARES DE NOVE CENTROS DA PROVINCIA
No parque de Frigsa déronse cita preto de 400 estudantes de entre 12 e 15 anos, procedentes do IES de Becerreá; IES do Camiño, de Palas de Rei; CPI Uxío Novoneyra, de Pedrafita do Cebreiro; IES Fontem Albei, da Fonsagrada; IES Poeta Díaz Castro, de Guitiriz; e do IES A Pinguela, de Monforte, ademais dos centros lucenses IES Xoán Montes, IES Leiras Pulpeiro e CPR Fingoi.
Na proba desta disciplina, os participantes tiveron que empregar planos de localización para atopar entre 8 e 10 balizas distribuídas ao longo dun trazado de preto de 2 quilómetros.•
Cargando ...
