Quiroga acollerá os cursos gratuítos da Deputación para acreditarse como guía Observer de Turismo Científico

Vista da Devesa da Rogueira, un dos puntos de interese dentro do programa de turismo científico Observer das Montañas de Ancares e O Courel. GPDL

A finais de abril e comezos de maio, terán lugar en Quiroga os cursos que organiza a Deputación para formar a guías específicos do programa Observer de Turismo Científico. As accións formativas, que serán de balde, celebraranse o 29 e 30 de abril, e o 6 e 7 de maio.
Segundo explicaron dende o organismo provincial, os cursos aportarán formación específica para desenvolverse como guías acreditados no Espazo Observer, categoría recoñecida recentemente para o territorio das Montañas de Ancares e O Courel.

DESTINATARIOS E PROGRAMA DOS CURSOS
Os cursos van destinados a profesionais e empresas do sector que estean ubicadas na contorna do Espazo Observer, aínda que poden solicitalos persoas interesadas en exercer como guías neste territorio.
O obxectivo dos cursos é formar a guías específicos para traballar neste espazo de gran riqueza natural. Os participantes recibirán formación sobre os principios e a historia do Turismo Científico, o ecoturismo, a lexislación aplicable e as figuras de protección sobre os territorios. Ademais, afondarán no coñecemento da riqueza natural e cultural dos Ancares e O Courel. Así mesmo, o alumnado formarase en metodoloxías axeitadas para este traballo, como dinámicas de grupo, atención ao público e estratexias e técnicas interpretativas.
As persoas interesadas poden inscribirse a través do enderezo electrónico guias@observersciencetourism.com. •

Deixa unha resposta

Your email address will not be published.

Nova Anterior

Máis dunha vintena de voluntarios do Saviñao e Chantada participaron en Escairón no curso sobre desfibriladores

Seguinte Nova

Amplo programa de actividades lúdico-culturais na Pobra do Brollón

Últimas noticias sobre GALERÍA

A %d blogueros les gusta esto: