O 4 de maio, o Círculo Saviñao acolleu a proxección da curtametraxe «Narote», producida pola asociación Airoá- Comunicación en colaboración con Pinancho Audiovisuais. A peza amosa a vida de Antonio Nieves Ferreiro, escaironés xa centenario, que participou na Revolución de Asturias en 1934, e estivo escapado durante a Guerra Civil ata que foi detido. O director da curta, David Sánchez, e a coguionista, Lorena Gallardo, departiron co público logo da proxección.
A inauguración da mostra «Catro médicos pola Ribeira Sacra» celebrouse o 28 de abril, coa participación de amigos e socios da sociedade recreativa de Escairón. Leopoldo García Méndez, Xesús Vázquez Gallego, Pablo Galego Feal e Tino Cuesta achegan por terceira vez a súa obra á sociedade de Escairón. A mostra pode verse ata o 26 de maio.
