A Deputación contratou os traballos da residencia de maiores da Pobra do Brollón

•O prezo de adxudicación foi de 1,4 millóns de euros

O presidente da Deputación en funcións, Darío Campos, no anuncio da contratación da obra da residencia da Pobra do Brollón, o 31 de maio. GPDL

O proxecto da residencia de maiores da Pobra do Brollón vén de recibir un novo impulso. A finais do mes pasado, a Deputación contratou os traballos desta infraestrutura social, por un prezo de 1,4 millóns de euros.

CASE UNHA VINTENA DE OFERTAS
Segundo precisou o presidente en funcións do organismo provincial, Darío Campos, ao concurso presentáronse 19 ofertas. A elección definitiva do adxudicatario final baseouse, segundo o mandatario provincial, na rebaixa proposta de 345.000 euros, a redución en 90 días do prazo de execución, e unha ampliación de ata os 24 meses na garantía. Campos lembrou que a Deputación aporta 1,2 millóns de euros, e o Concello da Pobra do Brollón achega os 200.000 euros restantes.
A obra comezará unha vez que se teña asinado o contrato, e se expidan o permiso da Xunta e a licenza municipal de obra.
A futura residencia de maiores da Pobra do Brollón ofrecerá 36 prazas, distribuídas en 18 cuartos dobres con baño adaptado. O edificio tamén terá un despacho médico, unha sala de curas, dúas habitacións de enfermería e varios espazos funcionais. •

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

Teatro entre amigos e con valores no IES A Pinguela

Seguinte Nova

Preto de 20 colectivos lucenses de axuda ás familias contarán con 214.000 euros da Deputación

Últimas noticias sobre ECONOMÍA

Ir aInicio

Don't Miss