Monforte suma unha nova empresa de produtos de vacún, que creará 25 postos de traballo

•O proxecto empresarial, ubicado no polígono do Reboredo, supón un investimento de 2 millóns de euros

O alcalde de Monforte, José Tomé, acompañou ao empresario Jesús Hernández , na presentación do seu proxecto empresarial Gallaecia Delicatessen, o 25 de xuño. GPCM

O novo proxecto do empresario Jesús Hernández Bleda ten como sede o polígono do Reboredo, e creará en Monforte un total de 25 empregos directos. Así o afirmou o responsable da iniciativa Gallaecia Delicatessen, nunha roda de prensa celebrada no Concello de Monforte, e na que estivo acompañado polo alcalde, José Tomé. «É a primeira empresa deste nivel de inversión, e deste nivel de creación de emprego que se instala de novo no Polígono Industrial do Reboredo en moitos anos”, afirmou o rexedor local, en referencia aos 2 millóns de euros que está previsto investir Hernández.
PEZAS DE CARNE DE VACÚN DE PRIMEIRA
Segundo precisou o empresario, Gallaecia Delicatessen está adicada á transformación e comercialización de produtos relativos ao despece de carne de gando vacún, «só gando autóctono galego, pezas nobles, pezas extras, pezas de primeira e elaborados», apuntou.
Hernández Bleda, de orixe catalán pero afincado en Bóveda, indicou que a empresa está a funcionar xa no Reboredo, nunha superficie de 1.800 metros cadrados para a zona de operacións, máis outros 500 metros de oficinas e almacéns. Na actualidade, a planta xa dá emprego a media ducia de persoas. •

Deixa unha resposta

Your email address will not be published.

Nova Anterior

Seoane estreará en xullo a primeira Xornada de Turismo Científico para o público en xeral e profesionais do sector

Seguinte Nova

Unha trintena de representacións do programa de teatro Buxiganga para o sur de Lugo

Últimas noticias sobre ECONOMÍA

 
A %d blogueros les gusta esto: