O club Neka remata unha «histórica» tempada con 31 medallas no Torneo Cidade de Ourense de taekwondo

Foto de familia dos deportistas do Neka que acadaron medallas no Torneo Cidade de Ourense de técnica e freestyle, o 22 de xuño. (Foto cedida).

O taekwondo monfortino vén de poñer un broche de ouro a unha tempada «histórica», en palabras de José Mª Vega, técnico da selección galega e director deportivo do club Neka de Monforte. Un total de 31 medallas foi o resultado dos de Vega no Torneo Cidade de Ourense de técnica e freestyle, que se disputou o 22 de xuño. A proba ourensá culminou unha tempada de éxitos, no que o Neka logrou medallas europeas e participar no Campionato do Mundo.
MEDALLEIRO
En técnica individual, subiron ao podio no Torneo de Ourense Alex Camba, Laura Álvarez, David Rivelo, José Manuel Ojea, Lúa Abeledo, David Fernández e Alba Díaz, todos con medalla de ouro; houbo prata para Daniel Areán, Aitor Teijeiro, Héctor Moure, David Poyán, Alicia Vega, Daniela Díaz e Alejandro Brandariz. Os bronces corresponderon a Karla Novo, Marco García, Carlos Rey, Elena Varela, Lucía Roca, Inés Casal, Nicolás Lage, Mateo Fernández, Manuel Calvo, Jane Mazorra e Ainhoa Dacuña. En parella, acadaron ouros Karla Novo e Daniel Areán, e Laura Álvarez con Marco García, mentres que Lucía Roca e Aitor Teijeiro lograron bronce. En trío, foron ouro José Roca, Carlos Rey e Álex Camba. En freestyle, conseguiu ouro a parella formada por Alex Camba e Elena Varela, e bronce Laura Álvarez.
O Neka foi vencedor na xeral, acadando o primeiro posto por equipos no ranking, e segundo en categorías non puntuables. •

Deixa unha resposta

Your email address will not be published.

Nova Anterior

Unha trintena de representacións do programa de teatro Buxiganga para o sur de Lugo

Seguinte Nova

Máis do 40% das cortas de madeira solicitadas en Galicia o ano pasado foron na provincia de Lugo

Últimas noticias sobre ASOCIACIONISMO

     
A %d blogueros les gusta esto: