Do 9 ao 13 de xullo, preto de 80 deportistas de 17 nacionalidades disputarán en Pantón o Torneo de Golf Internacional Feminino Ribeira Sacra Patrimonio da Humanidade. Esta proba vén organizándose no sur de Lugo nos últimos anos, co apoio de varios organismos e institucións, como a Deputación de Lugo, que achega 10.000 euros. “Esta proba dá a coñecer a nosa provincia como destino turístico e deportivo”, salientou o deputado de Deportes en funcións, Pablo Rivera, na apertura do torneo.
No acto inaugural, celebrado na Praza do Concello de Ferreira, celebrouse un concerto solidario, co grupo Dani Barreiro & Friends, cuxa recadación destinouse á Asociación Ruliños Terras de Lemos, que atende a nenos e adolescentes con necesidades especiais. •
Cargando ...
