O Concello de Sober renovará case un milleiro de luminarias en 12 parroquias

•Con esta intervención, o Goberno local acadará o obxectivo de que “o 100% do Concello quede renovado” con luminarias máis eficientes

As novas luminarias de Sober consumen menos e iluminan mellor, aportando vantaxes de aforro e de servizo. GPCS

O alumeado público de Sober completará a súa renovación para acadar un servicio máis eficiente en termos económicos e medioambientais.

LUMINARIAS MÁIS EFICIENTES E MENOS CONTADORES
No Pleno do 4 de xullo, a Corporación aprobou dous programas, que suporán un investimento de 375.000 euros, financiados no 80% polo IDAE do Ministerio de Industria. Os programas contemplan a substitución de 940 luminarias de sodio e mercurio por outras tantas lámpadas LED de última xeración. Outra das actuacións consistirá na unificación de varias subministracións, coa supresión dun total de 20 contadores.
Con esta medida, o Goberno local cumplirá o seu obxectivo de ter o 100% do municipio iluminado por luminarias renovadas, tanto por sistemas LED como de haloxenuro, segundo destacou o alcalde, Luis Fernández Guitián. O rexedor soberino lembrou que, nos últimos anos, xa se levan renovado case 1.300 luminarias, grazas ás achegas do INEGA, dependente da Consellería de Industria. “Unha vez rematadas as obras, a contaminación lumínica será insignificante, e o aforro enerxético moi considerable”, salientou.

EN 12 PARROQUIAS
Os cambios no sistema de alumeado público realizaranse nas parroquias de Amandi, Doade, Lobios, Santiorxo, Brosmos, Figueiroá, Bolmente, Barantes, Liñarán, Rosende, Vilaescura e San Martiño de Anllo.•

Deixa unha resposta

Your email address will not be published.

Nova Anterior

Preto dunha trintena de participantes na primeira Xornada de Turismo Científico no Courel, organizada pola Deputación

Seguinte Nova

Novas propostas para desfrutar das Exaltacións Gastronómicas por toda a provincia

Últimas noticias sobre ECONOMÍA

     
A %d blogueros les gusta esto: