A Ribeira Sacra bate o seu récord de ocupación en agosto grazas ás vivendas de uso turístico e otros aloxamentos

As previsións que tiña o Consorcio de Turismo ao comezo do verán superáronse en 10 puntos

A afluencia de visitantes na Ribeira Sacra deixou cifras superiores ao 90% en todos os segmentos de aloxamento. (Foto: MONTERO)

Este mes de agosto, a Ribeira Sacra acadou un 94,5% de ocupación, unha media que supera nun 5% á do mesmo mes do ano pasado. Os datos aportados polo Consorcio de Turismo falan de récord , pois “nunca antes se rexistrara unha ocupación mensual e global tan alta como esta”, sinalaron dende a xerencia deste organismo. A clave destas cifra está no segmento de “outros aloxamentos”, debido ao cheo dos establecementos de 3 e 4 estrelas, así como dos de turismo rural. Nos primeiros, a ocupación medrou un 4%respecto a agosto de 2018, chegando ao 98%. No eido do turismo rural, encheuse o 95% das prazas dispoñibles, o que indica un crecemento do 2,5% sobre o cómputo do agosto anterior. Con todo, a maior subida, ata un 12% máis que en 2018, rexistrouse na terceira tipoloxía de establecementos, na que se sitúan tamén as vivendas de uso turístico, que dende hai dous anos está a tirar do crecemento deste grupo. A ocupación para este segmento en agosto foi do 93,5%.

En canto ás previsións para setembro, o Consorcio de Turismo espera un 65% de ocupación media, que sube ata o 83% para os hoteis de 3 e 4 estrelas, coa posibilidade real de superar estas cifras, como vén sucedendo nos últimos anos.

Deixa unha resposta

Your email address will not be published.

Nova Anterior

Conta atrás para desfrutar do Folión de Carros en Chantada

Seguinte Nova

Comezan os traballos de arranxo da estrada provincial de Ferreira a Currelos

Últimas noticias sobre GALERÍA

     
A %d blogueros les gusta esto: