O Rally Ribeira Sacra estreará en Sober o seu trazado lucense

A proba do 21 de setembro será a primeira que pasará pola provincia de Lugo

A etapa soberina do Rally Ribeira Sacra 2019 disputarase o sábado 21 de setembro. (Foto: Pixabay)

A oitava edición do Rally Ribeira Sacra pasará este ano por terras lucenses. A etapa prevista para o sábado 21 de setembro levará a algo máis de 130 pilotos de toda España por un total de 9 quilómetros dentro do término municipal de Sober.

Segundo explicaron dende o Concello soberino, a proba do día 21 inclúe tres pasadas por un tramo que arrancará en Canaval para continuar por Pena Cabreira, Moradela, Moreda, Vilaescura, Rosende, Lama dos Campos e Millán, e con remate na Praza do Concello. Dende a organización cualificaron este percorrido, no que participará o piloto local Diego Pérez, de “rápido, bonito e seguro para os asistentes”. A primeira saída será ás 9:41 horas, e a segunda ás 13:50. A última pasada de vehículos está prevista para as 17:59.

Dende o Concello, entidade que financia esta etapa do Rally Ribeira Sacra 2019, salientaron o efecto de reclamo que terá a proba, para os aficionados ao motor e para o público en xeral. O alcalde, Luis Fernández Guitián, destacou “o alto nivel” deportivo da etapa, e o feito de que se desenvolva “por enclaves moi fermosos de Sober”.

Deixa unha resposta

Your email address will not be published.

Nova Anterior

Arrancan os adestramentos da pretempada no CV Ribeira Sacra

Seguinte Nova

Oito formacións musicais animarán o Festival do Paradiso en Monforte

Últimas noticias sobre ASOCIACIONISMO

A %d blogueros les gusta esto: