A exposición, un percorrido gráfico polas pegadas desta técnica mural ao longo da Ribeira Sacra, pode verse na Casa da Cultura ata o 27 de setembro

Ata o 27 de setembro, a Casa da Cultura Poeta Lois Pereiro acolle a exposición «Esgrafiados na Ribeira Sacra», unha colección de fotografías nas que a divulgadora cultural Mar López Sotelo propón un percorrido polas manifestacións máis singulares desta técnica mural na Ribeira Sacra.
A mostra itinerante, que iniciou a súa andadura no concello de Pantón, pode verse neste espazo cultural de luns a venres en horario de mañá e tarde. •
