Monforte sumouse ao Día Europeo da Cultura Xudía, cun acto en memoria da comunidade hebrea que viviu e traballou en Monforte durante séculos. Na celebración do 6 de setembro, o Concello descubriu un monolito conmemorativo na rúa Falagueira, xunto a un olivo plantado como homenaxe a este pobo.
Ademais das autoridades locais, o acto contou coa presenza de descendentes de familias xudías, como os Gaibor. O alcalde, José Tomé, destacou o papel desta comunidade que «coas súas vivencias e traballo, contribuíu á construcción e á existencia de Monforte de Lemos». •
