Os singulares pendellos do santuario de Cadeiras están a ser acondicionados polo Concello de Sober. Os traballos, que se espera rematar en novembro, afectan a un total de 40 metros da parte da estrutura que dá ao este, a máis deteriorada. As obras inclúen a substitución de catro columnas de granito e toda a cuberta, que irá de madeira de castiñeiro e tella curva tradicional. O chan cubrirarse con xabre tradicional compactado.
O custe das obras, 50.000 euros, está cofinanciado ao 60% por Turismo de Galicia, e o resto con fondos municipais.•
