Todo listo para un novo curso nas Escolas Deportivas Municipais de Monforte

As Escolas Deportivas de Monforte ofrecen tres grupos de ioga para maiores de 16 anos e adultos. (Foto: Pixabay)

Arrancan en outubro as actividades programadas dentro das Escolas Deportivas Municipais de Monforte, con dúas modalidades segundo grupos de idade. Para rapaces e rapazas de 6 a 15 anos, están pensadas cinco actividades. Os luns e venres, de 18:15 a 19:15 horas, terá lugar a actividade de zumba kids no ximnasio Neo Fit. Kung fu impartirase os martes e xoves de 19:00 a 20:00 horas en Dogma Centro de Pilates. Os mércores será a quenda de patinaxe, cunha sesión semanal de 17:30 a 19:00 horas, no Pavillón dos institutos. Os sábados, de 10:00 a 14:00 horas, desenvolveranse as actividades de golf e pádel, no Club Río Cabe e no Club Padelante, respectivamente.

ACTIVIDADES PARA MAIORES DE 16 ANOS E ADULTOS

O calendario das actividades para maiores de 16 anos e adultos inclúe catro actividades, organizadas en varios grupos. Ximnasia de mantemento conta con dous grupos, cada un deles con dúas sesións semanas os luns e mércores, de 10:30 a 11:30 horas no ximnasio Neka, e de 17:00 a 18:00 horas no ximnasio Lemos. O centro de ioga Ganesha impartirá a actividade de ioga en tres grupos: os luns e mércores de 16:15 a 17:15 horas, e os mesmos días de 17:15 a 18:15 horas, e os martes e xoves de 16:15 a 17:15. Así mesmo, a actividade de tai chi terá lugar os martes e venres de 20:00 a 21:00 horas en Dogma centro de pilates. A oferta municipal complétase con zumba para adultos, os martes e venres de 17:15 a 18:15 horas no ximnasio Neo Fit.

Deixa unha resposta

Your email address will not be published.

Nova Anterior

A paisaxe da viticultura heroica, protagonista en Pantón nos premios do V Concurso Fotográfico Red Ribeira Sacra

Seguinte Nova

O comercio lucense de proximidade premia as compras nos Días Azuis ata o 20 de outubro

Últimas noticias sobre DEPORTES

     
A %d blogueros les gusta esto: