Arranca o proceso selectivo do persoal para os obradoiros de emprego da Xunta

Reunión de coordinación cos responsables dos concellos nos que se van desenvolver os obradoiros, celebrada en Lugo o 23 de outubro. GPXG

Do 30 de outubro ao 26 de novembro, desenvólvese o proceso de selección de persoal que participará nos obradoiros de emprego da Xunta. En total, a provincia de Lugo acollerá 14 obradoiros que darán emprego a 333 persoas, das que 272 serán alumnos-traballadores, e os outros 61 corresponderán a postos de docencia, dirección e administración.
Segundo precisou o delegado da Xunta en Lugo, José Manuel Balseiro, 12 destes talleres son duais, e os outros dous son de garantía xuvenil, xa en marcha en Lugo e Ribadeo, e destinados a mozos e mozas menores de 30 anos. O proceso selectivo que agora está en marcha corresponde aos obradoiros duais, que terán unha duración mínima de nove meses.
A selección de persoal conta con dúas fases. A primeira realizarase nas oficinas de emprego, e a segunda estará a cargo dun grupo de traballo mixto formado por técnicos da Xunta e dos concellos. Toda a información do proceso selectivo pode consultarse nas oficinas de emprego e nos taboleiros, anuncios e webs dos concellos promotores.

73 EMPREGOS NO SUR
Na zona sur, a Xunta destina un millón de euros para tres obradoiros. Un deles está promovido en solitario polo Concello de Monforte, outro está compartido por Pantón, Sober e O Saviñao, e o terceiro intégrano Quiroga, Ribas de Sil e Folgoso do Courel. En total, xeraranse 73 contratos na zona sur lucense.•

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

Galicia, a primeira comunidade que ofrece a vacina tetravalente celular da gripe a grupos de risco

Seguinte Nova

Dous convenios provinciais para impulsar o Xeoparque Montañas do Courel

Últimas noticias sobre ECONOMÍA

Ir aInicio

Don't Miss