A Xunta investirá 200.000 euros en Bóveda para a recuperación de terras baldías

• A partida está incluída nos Orzamentos do Executivo autonómico para 2020

O alcalde de Bóveda, José Manuel Arias, analiza o proxecto de mobilización de terras co propietario da explotación Gandería Xuíz, en presenza da deputada autonómica Raquel Arias, o 30 de outubro. GPXG

Bóveda disporá de 200.000 euros da Xunta para mobilización de terras o vindeiro anos. Os Orzamentos autonómicos inclúen esta partida, que permitirá ofrecer ata 160 hectáreas de terra a gandeiros e agricultores interesados. Xa hai varias peticións en carteira, como a de Pablo Rodríguez, un mozo gandeiro de 21 anos que precisa máis terreos para a súa explotación, Gandería Xuíz. O seu titular ten previsto alugar terreos neste plan da Xunta para plantar millo forraxeiro nas terras dispoñibles entre as parroquias de Guntín e Ver. No programa de mobilización de terras, a Xunta chega a un acordo cos propietarios das fincas sen uso, para poñelas a disposición dos interesados mediante a fórmula de aluguer. •

• 560.000 euros para a mobilización de terras sen uso no sur de Lugo

As contas do Executivo autonómico para o vindeiro ano estiman unha partida de 560.000 euros para a mobilización de superficie agrogandeira en media ducia de municipios do sur de Lugo.
Ademais de Bóveda, entran dentro desta previsión os concellos de Quiroga, Sober, A Pobra do Brollón, O Saviñao e Chantada. Deste xeito, a Xunta dá continuidade a esta iniciativa, que xa o ano pasado financiara a recuperación de terras en Folgoso do Courel, Monforte de Lemos e Sober. Nesta liña, o conselleiro do Medio Rural, José González, salientou o mes pasado que a mobilización de terras é “unha liña estratéxica” da Consellería. Con este fin, o vindeiro ano recibirá o dobre de fondos que en 2019. •

Deixa unha resposta

Your email address will not be published.

Nova Anterior

Completada a primeira fase da actividade «Coñece o teu Camiño», organizada polo Concello da Pobra do Brollón

Seguinte Nova

Cheo na Casa da Cultura de Pantón na charla sobre a avespa velutina

Últimas noticias sobre ECONOMÍA

A %d blogueros les gusta esto: