O Concello da Pobra propón cine para pensar, con proxeccións todos os xoves de novembro

Imaxe de arquivo dunha proxección con charla-debate na Casa da Cultura Olga Novo, na Pobra do Brollón. GPCPB

As tardes dos xoves de novembro, a Casa da Cultura Olga Novo da Pobra do Brollón convértese nun espazo de arte e reflexión. O Concello está a organizar o ciclo «Grandes Temas do Noso Tempo», para poñer sobre a mesa temas de actualidade, como o cambio climático, o auxe da extrema dereita, ou a espionaxe nas redes.

CATRO PROXECCIÓNS EN NOVEMBRO
O ciclo arrancou o xoves día 7 coa proxección do documental «Before the flood», que plantea o problema do cambio climático nunha peza protagonizada por Leonardo Di Caprio, e producido en 2016 en colaboración con National Geographic. A proxección contou coa colaboración do colectivo Teachers for Future Spain. O xoves 14 foi a quenda de «Las chicas de Amanecer Dorado».
A vindeira sesión de cine será o xoves 21, coa peza «El Gran Hackeo». O ciclo rematará cunha proxección sorpresa o xoves 28.

PROBLEMAS GLOBAIS
O concelleiro de Cultura na Pobra, Ricardo Rodicio, salientou que este ciclo de cine «quere analizar problemáticas globais que nos afectan», logo de ter adicado anteriores programacións a temas máis próximos ao rural galego.•

Deixa unha resposta

Your email address will not be published.

Nova Anterior

Unha nova aplicación móbil recolle case 2.500 puntos de interese da provincia

Seguinte Nova

Os grupos de teatro Argalleiras e Teatreiras comezaron as novas actividades para este curso

Últimas noticias sobre CULTURA

     
A %d blogueros les gusta esto: