A Casa da Xuventude de Chantada ofrece unha nova exposición vinculada ao tempo de Entroido.
EXPOSICIÓN ABERTA NA CASA DA XUVENTUDE EN FEBREIRO
Durante todo o mes de febreiro, pode verse neste espazo expositivo a mostra «Viaxe polo mundo da máscara», asinada pola sarriana Mercedes Vázquez Saavedra. Esta escritora, que tamén se define como percorredora de camiños, vén de completar unha investigación gráfica sobre as diferentes manifestacións da máscara en varias zonas de Galicia.
TESTIMONIO ETNOGRÁFICO DUN SINGULAR ELEMENTO DOS ENTROIDOS GALEGOS
A exposición da escritora sarriana reúne un total de cen fotografías, que dan boa conta das tradicións vinculadas á máscara dos Entroidos galegos, nun proxecto de gran interese etnográfico.
Mercedes Vázquez conta no seu haber con varios traballos, que xa percorreron varios espazos expositivos da provincia. O ano pasado, a autora sarriana amosou o seu proxecto fotográfico «Mulheres» no Espazo Xove de Chantada e no Museo Provincial de Lugo.•
Cargando ...
