En marcha o Posto de Mando Avanzado da Xunta na provincia para loitar contra o coronavirus

Integra a todas as Consellerías, así como a representantes do Servizo de Emerxencias e da Unidade Adscrita da Policía Autonómica

O delegado da Xunta en Lugo presidiu a sesión constitutiva do Posto de Mando Avanzado, que se celebrou na capital provincial o sábado 21 de marzo. GPDTL

A Xunta ten xa en marcha o Posto de Mando Avanzado na provincia de Lugo, que levará a cabo a análise xeral da situación da pandemia do coronavirus en terras lucenses, ao tempo que proporá “o mellor xeito de dar resposta ás demandas e necesidades” da provincia. Esta unidade centralizará, en colaboración coa Federación Galega de Municipios e Provincias (Fegamp), as necesidades dos concellso, ademais de prestar apoio ás funcións vinculadas coa pandemia.

A constitución do Posto de Mando Avanzado tivo lugar o sábado 21 de marzo, nunha reunión presidida polo delegado da Xunta en Lugo, José Manuel Balseiro, á que asistiron representantes das Consellerías, así como do Servizo de Emerxencias e da Unidade Adscrita da Policía Autonómica.  

Será a Delegación Territorial da Xunta en Lugo a entidade encargada de canalizar as ofertas de doazón de material que reciban as Consellerías dende empresas e particulares, así como de organizar a súa distribución. Esta última labor realizarase segundo as instrucións e prioridades establecidas polo Centro de Coordinación Operativa en Santiago e as autoridades competentes.

O mesmo día da constitución do Posto de Mando Avanzado, José Manuel Balseiro destacou que “a Xunta está a traballar sen descanso, con medios sanitarios e non sanitarios, para impulsar medidas coas que loitar contra o virus”, co fin de “estar preparados para facerlle fronte en todos os ámbitos”. A acción do Executivo autonómico inclúe, segundo Balseiro, “apoiar a quen máis o precisa e que non sufra un dano aínda maior a consecuencia desta situación de emerxencia”.

Deixa unha resposta

Your email address will not be published.

Nova Anterior

O concello de Sober entrega de balde sulfatadoras a todos os concellos da Ribeira Sacra, para tarefas de desinfección

Seguinte Nova

O alcalde de Monforte aproba aumentar un 50% a partida de emerxencia social pola crise do coronavirus

Últimas noticias sobre INICIATIVAS

     
A %d blogueros les gusta esto: