Ademais da cidade do Cabe, os efectivos militares actuaron noutras cinco ciudades e vilas lucenses
Durante a xornada do 24 de marzo, efectivos da Unidade Militar de Emerxencias (UME) levou a cabo traballos de desinfección de espazos comunitarios en Monforte de Lemos, así como noutras cinco localidades lucenses, dentro da Operación Balmis. Un total de 60 efectivos e 28 vehículos da UME despregáronse na provincia ao longo da xornada do martes 24, para desenvolver esta labor en residencias de maiores e centros sanitarios de Monforte de Lemos, Lugo, Vilalba, Viveiro, Outeiro de Rei e Castro de Rei.
Segundo informaron dende a Subdelegación do Goberno na provincia, escolleuse actuar en puntos nos que se concentra a poboación de maior risco diante da ameaza do coronavirus. Na decisión, tivéronse en conta tamén as demandas dos municipios.
Xunto aos efectivos da UME e na mesma xornada, o Ministerio de Defensa tamén enviou a efectivos da Brilat para reforzar as labores das forzas de seguridade na cidade de Lugo.
Cargando ...
