Os 13 deputados do Goberno provincial doan o 30% do salario de abril para paliar os danos da pandemia

O equipo de Goberno da Deputación amosa a súa solidariedade cos cidadáns e empresarios damnificados polo parón da economía durante o estado de alarma

Imaxe de arquivo de parte dos deputados que integran o Goberno provincial, encabezado por José Tomé, alcalde de Monforte. (Arquivo EC)

A totalidade dos 13 deputados do Psoe e BNG que integran o Goberno da Deputación de Lugo decidiron doar o 30% do soldo correspondente ao mes de abril, que se destinará a paliar os efectos da crise provocada polo coronavirus.

TOMÉ: OS RESPONSABLES POLÍTICOS «DEBEN DAR EXEMPLO DE VOCACIÓN PÚBLICA” MEDIANTE XESTOS DE SOLIDARIEDADE COS CIDADÁNS E AS EMPRESAS

O presidente da Deputación, o socialista José Tomé, manifestou que esta decisión, “máis que a contía económica que poida supoñer a doazón, queremos que sexa un xesto de solidariedade coa cidadanía e coas empresas que perderon os seus ingresos habituais e están atravesando momentos difíciles”. Tomé afirmou que os responsables políticos, “como persoas con vocación de servizo público, debemos dar exemplo nesta crise sanitaria”, que está xerando “gran impacto económico e laboral”.

O mandatario provincial asegurou que “agora cómpre fortalecer a nosa sanidade pública, o estado de benestar e a reconstrucción económica e social”. Ademais das medidas que no eido político e económico está a tomar a Deputación, Tomé salientou que se van seguir facendo, e que esta doazón “amosa que podemos poñer o noso grao de arena persoal nesta causa”.

MAITE FERREIRO: “ESTA EMERXENCIA SANITARIA EVIDENCIA A NECESIDADE DE FORTALECER A SANIDADE PÚBLICA, OS SERVIZOS DE PROTECCIÓN SOCIAL E A INVESTIGACIÓN”

Pola súa banda, a vicepresidenta da Deputación de Lugo, a nacionalista Maite Ferreiro, salientou que esta doazón “é só un xesto simbólico que, en ningún caso, substitúe o papel das administracións”. Ferreiro puxo de manifesto que a emerxencia sanitaria polo coronavirus “evidencia a necesidade de fortalecer a sanidade pública, os servizos de protección social e a investigación”. Estas medidas requiren, segundo puntualizou a mandataria nacionalista, “unha decidida aposta política polo público”.

Deixa unha resposta

Your email address will not be published.

Nova Anterior

Persoal da Xunta completaron novas desinfeccións en cinco concellos do sur lucense

Seguinte Nova

A Deputación adianta aos Concellos 11 millóns de euros dos pagos mensuais por tributos previstos ata xuño

Últimas noticias sobre GALERÍA

     
A %d blogueros les gusta esto: