A recadación irá ao fondo da Xunta para a compra de material de uso sanitario
Os deputados provinciais do Partido Popular de Lugo doarán o 30% do seu soldo de abril e das indemnizacións por asistencia a órganos colexiados para colaborar na loita contra os danos polo coronavirus. Segundo informaron dende esta formación política, os cartos destinaranse á compra, por parte da Xunta de Galicia, de material sanitario para facer fronte á emerxencia sanitaria.
AGRADECEMENTO ÁS DOAZÓNS FEITAS POR PARTICULARES E EMPRESAS DE TODA A PROVINCIA PARA AFRONTAR A EMERXENCIA SANITARIA
O portavoz do Grupo Popular na Deputación, Javier Castiñeira, afirmou que “é o momento de colaborar, porque toda a axuda é importante para loitar contra esta pandemia”.
Dende o Partido Popular de Lugo manifestaron o seu agradecemento polas axudas e doazóns que están efectuando particulares e empresas de toda a provincia para facer fronte a esta crise sanitaria.
