A UME volveu a Monforte para realizar novos traballos de desinfección

Monforte foi un dos cinco concellos lucenses que dispuxo de novo dos servizos da Unidade Militar de Emerxencias

Labores de desinfección que realizou o operativo da UME na residencia DomusVI de Monforte, o luns 13 de abril. GPSGL

Na xornada do luns 13 de abril, un operativo da Unidade Militar de Emerxencias (UME) despregouse en Monforte de Lemos para desenvolver tarefas de desinfección, dentro das labores previstas en cinco concellos da provincia de Lugo. Monforte foi un dos cinco municipios lucenses nos que actuou este operativo especial, xunto a Monterroso, Viveiro, Ribadeo e Burela.

DESINFECCIÓN DE RESIDENCIAS, CUARTEIS E COMISARÍA EN CATRO CONCELLOS, E NO CENTRO PENITENCIARIO DE MONTERROSO

Segundo informaron dende a Subdelegación do Goberno en Lugo, os efectivos da UME procederon á desinfección das instalacións da residencia DomusVI de Monforte. Así mesmo, en Monterroso realizaron esta labor no centro penitenciario. Nos concellos da Mariña, a UME actuou nos cuarteis da Garda Civil de Ribadeo e Burela, e en Viveiro desinfectou a residencia de maiores Betania e a Comisaría da Policía Nacional.

A subdelegada do Goberno en Lugo, Isabel Rodríguez, lembrou que esta é a terceira vez que a UME desenvolve operacións de asistencia na provincia dende o inicio da pandemia do coronavirus.

Deixa unha resposta

Your email address will not be published.

Nova Anterior

O Concello do Incio repartirá mascarillas á veciñanza “casa por casa”

Seguinte Nova

O BNG de Sarria ofrece ao Goberno local colaboración conxunta para paliar as consecuencias da pandemia

Últimas noticias sobre GALERÍA

     
A %d blogueros les gusta esto: