O Concello do Saviñao compra outras 4.000 mascarillas

Entre as mercadas polo Consistorio en tres quendas, máis as aportadas pola Xunta e por doazóns, case se pode dar protección a toda a veciñanza do municipio

Un novo lote de 4.000 mascarillas incrementa a capacidade de protección contra o coronavirus no municipio do Saviñao. (Foto: Pixabay)

No Saviñao continúan as xestións para dotar á veciñanza de equipos individuais cos que evitar novos contaxios. O Goberno local vén de adquirir un novo lote de 4.000 mascarillas, no que sería xa a terceira compra deste tipo de material polo Concello. Ademais, o propio 13 de abril, día en que se anunciou esta adquisición, o Concello repartiu 300 mascarillas entre as persoas que poden incorporarse á actividade laboral e as que deben saír dos seus domicilios por causas xustificadas.

 Dende o Consistorio do Saviñao informaron de que, ata mediados deste mes, puxéronse á disposición da veciñanza un total de 6.392 mascarillas. “Estamos a facer un esforzo extraordinario para dar cobertura a todas as casas, negocios, centro de saúde, e traballadores municipais”, salientou o alcalde, Juan Carlos Armesto. O rexedor do Saviñao afirmou que “agora mesmo, coas que compramos directamente e as recibidas, podemos dicir que todos os veciños e veciñas poden ter unha máscara para poder protexerse”.

DETALLE DAS ACHEGAS DE MATERIAL PARA PROTECCIÓN NO MUNICIPIO

Do conxunto das máis de 6.300 mascarillas, 4.700 comprounas o propio Concello, 1.472 foron doadas pola Xunta de Galicia, e outra 220 entregounas a empresa Confecciones Elper. Ás mascarillas, hai que sumar a aportación doutros materiais de protección pola Xunta, que incluíron 2.100 luvas, 964 máscaras, 19 traxes de protección, 13 botes de xel hidroalcohólico, 15 garrafas de lixivia e 2 buzos para o Concello, así como 1.100 luvas, 6 botes de xel hidroalcohólico, 11 garrafas de lixivia, 508 máscaras, 3 batas de plásticos, 6 mandiles de plástico e 6 pantallas protectoras para vivendas comunitarias. A toda esta equipación, hai que engadir as pantallas de protección doadas polo colexio de Escairón.

Deixa unha resposta

Your email address will not be published.

Nova Anterior

Un 65% máis de horas do SAF da Xunta para tres comarcas do sur de Lugo

Seguinte Nova

Últimos días para presentar traballos ao Concurso de Microrrelatos do IES Río Cabe

Últimas noticias sobre GALERÍA

     
A %d blogueros les gusta esto: