O envío inclúe elementos de diverso tipo, como luvas, traxes protectores ou lixivia
O Concello de Pantón anunciou a recepción dun novo lote de material de protección contra o coronavirus, achegado pola Xunta de Galicia. Segundo precisou o alcalde, José Luís Álvarez, a mercancía recepcionada no Consistorio está integrada por un lote de 200 pares de luvas, 300 unidades de mascarillas cirúrxicas e tres unidades de xel hidroalcohólico de 500 mililitros cada unha, ademais de media ducia de traxes de protección e outra media ducia de envases de lixivia.
Deste xeito, o Consistorio de Pantón reforza a seguridade do persoal municipal e de servizos, para garantir unha mellor atención á cidadanía.
