Efectivos da UME realizaron tarefas de desinfección no poboado monfortino de As Lamas

Esta era unha petición do Concello de Monforte á Subdelegación do Goberno

Traballos de desinfección do poboado de As Lamas, en Monforte, a cargo de efectivos da UME, o 14 de abril. GPSGL

Monforte acolleu unha nova quenda de traballos de desinfección por parte da Unidade Militar de Emerxencias (UME). O 14 de abril, efectivos deste corpo procederon á desinfección da contorna do poboado xitano de As Lamas, dando resposta á petición cursada polo Concello á Subdelegación do Goberno.

Na solicitude municipal, cursada o 5 de abril, o alcalde, José Tomé, expresou a súa “preocupación polo que puidera darse no Poboado Xitano ubicado na zona de As Lamas, xunto ó campo da feira, ó que se accede pola estrada de Monforte a Currelos”. Na petición, Tomé xustificaba unha nova intervención da UME en Monforte polo obxectivo do Goberno local “de manter os lugares de máis presencia de persoas o máis asépticos posible”.

Deixa unha resposta

Your email address will not be published.

Nova Anterior

O consumo de alimentos nos fogares galegos aumentou un 16,5% na terceira semana do confinamento

Seguinte Nova

A Deputación prepárase para o día despois do confinamento comprando 220.000 unidades de material de protección

Últimas noticias sobre GALERÍA

     
A %d blogueros les gusta esto: