A Subdelegación do Goberno achegou este material de protección a Monforte, e completou o reparto en Quiroga
Na xornada do mércores 15 de abril, continuou o reparto de mascarillas de protección fronte ao coronavirus entre os traballadores de varias localidades lucenses. Desta volta, a Subdelegación completou en Quiroga o reparto iniciado onte, e distribuiu este material de protección en Monforte de Lemos.
No conxunto da provincia, o Goberno central distribuirá 74.000 mascarillas, para facilitar a seguridade dos traballadores que se incorporaron aos seus postos o pasado luns. O reparto estivo a cargo de efectivos da Policía Nacional e da Garda Civil, coa colaboración da Policía Local e Protección Civil.
