Lanzan o novo escape room da Ribeira Sacra para animar o confinamento a todas as idades

O xogo on line promovido polo Consorcio de Turismo aposta pola diversión e os hábitos saudables a través dunha viaxe virtual por este territorio

Xa está disponible a nova proposta de lecer telemático para coñecer e desfrutar da Ribeira Sacra. O Consorcio de Turismo ten en marcha o escape room descargable “As 21 probas”, que definen como “unha viaxe virtual” que busca funcionar como “unha fonte de entretemento para grandes e cativos” durante o estado de alarma.

De feito, a proposta está deseñada baseándose nunha situación similar á que estamos vivindo, na que toda a poboación mundial está pechada nas súas casas polo ataque dun virus de dimensión planetarias. Todo un “reto do confinamento” que permite divertirse e coidarse en familia sen saír da casa.

DIVERSIÓN SAUDABLE NUNHA VIAXE POLOS RECUNCHOS MENOS COÑECIDOS DA RIBEIRA SACRA

Dende a xerencia do Consorcio, especificaron que o escape room da Ribeira Sacra non ten nada que ver co Búskalo, un xogo no que predomina o entramado histórico e o fío condutor entre varias localizacións. Na experiencia “As 21 probas”, propóñense diversos xogos de enxeño, para dar protagonismo á diversión, e favorecendo a interactuación lúdica para público de todas as idades, dende cativos ata os maiores da familia. Ademais, a proposta está pensada para a situación actual, xa que insiste nos hábitos saudables recomendados polas autoridades sanitarias. Ao mesmo tempo, permite pasear virtualmente por recunchos da Ribeira Sacra pouco coñecidos polo gran público.

Para descargar o escape room “As 21 probas” hai que acceder a través do enlace da páxina do Consorcio: https://turismo.ribeirasacra.org/gl/novas/las-21-pruebas, que ofrece tres rankings diferentes para cada equipo participante.

Deixa unha resposta

Your email address will not be published.

Nova Anterior

Novas tarefas de desinfección en media ducia de residencias lucenses

Seguinte Nova

Retoman os traballos de reforma da estación de autobuses de Monforte

Últimas noticias sobre ASOCIACIONISMO

     
A %d blogueros les gusta esto: